Home Read Content

Nyamagabe: Bamwe mu bayobozi mu mirenge n'utugali begujwe abandi baregura

User Image GATETE  MUHAMOUD 2 Shared publicly - Last 1 Month(s) ago

Iba byakozwe kuri uyu wa kane, tariki ya 12/9/2019 aho bamwe mu bayobozi basezeye, abandi barasezerwa bitewe nuko batuzuzaga ishingano zabo.

Nyamagabe: Bamwe mu bayobozi mu mirenge n'utugali begujwe abandi baregura

Nyuma y’igihe kitari gito Akarere ka Nyamagabe karangwamo imikorere n’imikoranire itanoze mu nzego, bikagira ingaruka mbi ku iterambere ry’Akarere n’imibereho myiza y’abaturage, bamwe mu bayobozi n’abakozi banditse basezera ku mirimo.

Abanditse basezera kuri uyu wa kane barimo abo ku rwego rw’akarere, mu mirenge no mu tugari.

Ku Karere harimo Umujyanama wa Komite Nyobozi, Zigirumugabe Emmanuel n’Umukozi ushinzwe kumenyekanisha urwego, kuruhuza n’izindi ndetse no gutangaza amakuru (Public Relations and Communication’s Officer), Masabo Martin.

Mu mirenge harimo Umunyamabanga Nshingwabikorwa w’Umurenge wa Mugano, Hakizimana Emmanuel n’Uw’umurenge wa Kibumbwe, Gahizi Faustin.

Hasezeye kandi abanyamabanga Nshingwabikorwa b’utugari twa Nyanzoga mu Murenge wa Cyanika, Nyamiyaga mu Murenge wa Kaduha, Kizimyamuriro mu Murenge wa Buruhukiro, Munyege mu Murenge wa Uwinkingi na Manwari mu Murenge Mbazi.

Umuyobozi w’Akarere ka Nyamagabe, Uwamahoro Boneventure, yavuze ko abo banditse basezera n’ubusanzwe bari bafite intege nke mu mikorere.

Ati “Nyuma y’uko batwandikiye tugiye kubasubiza kandi ndumva ubusabe bwabo tuza kubwubahiriza. Na bo bagiye babibagaragaza ko mu by’ukuri bafite uburangare bafite intege nke, umuvuduko wifuzwa ntabwo bari kuwugeraho.”

Uwamahoro yavuze ko imirenge ya Mugano na Kibumbwe yasigaye inyuma muri gahunda nyinshi z’iterambere n’imibereho myiza y’abaturage.

Ati “Mu mirenge bayobora, dufate nk’uyu wa Mugano na Kibumbwe, ubona ari yo mirenge iri kugenda isigara inyuma cyane; n’ubwo na Kaduha ari uko ariko ubona ko Mugano na Kibumbwe bikabije. Na bo babigaragaje ko badashoboye mu by’ukuri, hari ubukangurambaga mu baturage butari kugenda neza.”

Uwamahoro avuga ko mu kwezi gushize Akarere kakoze isuzuma hagaragara ko hakiri ibibazo bibangamiye imibereho myiza y’abaturage byinshi.

Yemeza ko ari ingaruka z’uburangare bukabije bw’abayobozi ku nzego zitandukanye cyane cyane izegereye abaturage.

Ako kakaba ari akarengane gakorerwa abaturage kandi kadashobora kwihanganirwa kuko buri muyobozi afite ishingano zizwi kandi zose zihuriza ku kurengera umuturage.
Usibye abasezeye, Uwamahoro avuga ko Abanyamabanga Nshingwabikorwa b’imirenge ya Kitabi, Kaduha, Kibirizi na Cyanika bihanangirijwe, basabwa kuvugurura imikorere.

0