Home Read Content

Musanze: Abagore bahawe intebe aho kuyicaraho bayihagararaho - Senateri Harerimana Fatou

User Image GATETE  MUHAMOUD 2 Shared publicly - Last 3 Year(s) ago

Harerimana Fatou, Visi Perezida w’inteko ishinga amategeko umutwe wa Sena, arasaba abagore kudakoresha uburenganiza bwabo mu guhohotera abagabo.

Musanze: Abagore bahawe intebe aho kuyicaraho bayihagararaho - Senateri Harerimana Fatou

Iki ni kimwe mu bibazo bikomeje kugaragara mu karere ka Musanze, byatumye inteko ishinga amategeko ihaguruka kugira ngo irebe igitera iki kibazo.

Ku wa Gatanu tariki 19 Mutarama 2018, mu Karere ka Musanze hahise habera inama y’igihugu y’abagore y’akarere, aho Senateri yavuze ko bidakwiye ko umugore ahohotera umugabo yitwaje agaciro yasubijwe.

Yagize ati “Hari aho byambabaje cyane aho umugore yataye umugabo amuziza ko yacitse akaguru.

“Birababaje kuko iyo mugiye gusezerana imbere y’Imana bababwira ko mugomba kubana ubuziraherezo, ariko umugabo agize ibyago acika akaguri aho kugira ngo umufashe umuciye inyuma uranamutaye.”

Uwamariya Marie Claire umuyobozi w’akarere wungirije ushinzwe imibereho y’abaturage yunze murya Hon Harerimana avuga ko mu bibazo yakira hari iby’abagabo bahohoterwa.

Ati “Mfite icyo kibazo mu biro ndi kugerageza gukemura cy’umugabo warwaye diyabete umugore aramwanga ngo yabaye ikiremba, ibyo nabyo ni ibintu abagore dukwiye gukosora nka ba mutima w’urugo.”

Mukadariyo Providence wo mu Murenge wa Busogo nawe yemeza ko abagore bafite uruhare runini mu guhohotera abagabo babo, avuga ko bakomeje kwiyimana amahirwe bahawe n’umukuru w’igihugu yo kuba ba Mutima w’urugo.

Ati “Abagabo hari aho tubahohotera pe, uburaya burakabije mu bagore aho usanga bavuga ngo naherewe ubuntu ngomba gutangira ubuntu.

“Turabibona hirya no hino abagore usanga ari abasinzi mu kabare saa yine saa tanu z’ijoro yasinze,yataye umugabo m’urugo,Imana yonyine niyo yatabara birababaje.”

Uwitonze Modeste uhagarariye inama y’igihugu y’abagore mu ntara y’Amajyaruguru, avuga ko mu Karere ka Musanze ihohoterwa ku bagabo rikomeje kwiyongera, aho hamaze kubarurwa ingo 58 z’abagabo bahohoterwa.

Harerimana Fatou ubwo yatangaga ikiganiro.

Abagore bahagarariye abandi mu karere ka Musanze bafashe ingamba zo kwigisha bagenzi babi kwirinda ihohoterwa.

Senateri Fatou yashimiye abagore bihangira imirimo bakora ubukorikori bunyuranye.

gatetemuhamos@gmail.com

hanga.rw

sour: kigalitoday

0