Ahabanza Soma

Tour du Mageragere: Amagare yifashishijwe mu bukangurambaga bwo kwirinda covid-19

User Image GATETE  MUHAMOUD 2 Shared publicly - Last 2 Month(s) ago

Umurenge wa Mageragere, akarere ka Nyarugenge, wizihize umunsi w'umugore wo mucyaro wahujwe n'ubukangurambaga bwo kwirinda covid-19, hakozwe isiganwa ku magare ( Tour du Mageragere) aho bazengurutse umurenge ari nako hatangwa ubutumwa ku baturage bwo kwirinda covid-19.

Tour du Mageragere: Amagare yifashishijwe mu bukangurambaga bwo kwirinda covid-19

Uyu wa 15/10/2021 ,Umurenge wa Mageragere wizihije umunsi w'umugore wo mucyaro, ibirori byo kuwizihiza byabereye mu kagari ka Nyarugenzi, byabimburiwe n'isiganwa ry'amagare.


Hategekimana Silas , umunyamabanga Nshingwabikorwa w'umusigire w'umurenge wa Mageragere, yavuze ko ingamba bihaye nuko covid-19 iba zero mu murenge wa Mageragere.


Ati:''Twifashishije urubyiruko rukora ubunyonzi mu murenge wacu? Icyo bakoze nuko bazengurutse ahantu hose bafite ubutumwa bukangurira abaturage bacu kwirinda covid-19''.


Yakomeje avuga ko abasore 14 basiganwe ku magare bashyikirijwe ibihembo bitandukanye birimo amafaranga ,ikirenze muri byo nuko bahawe ibikoresho bibafasha kwirinda covid-19 (Udupfukanumwa).


Mageragere n'umurenge ufite ibice binini by'icyaro, abaturage benshi batunzwe n'ubuhinzi, Gitifu w'umusigire yabasabye ko mu nzira bagiye guhinga bakambara agapfukamuna na nyuma batashye.


Mageragere bafite umurwayi umwe gusa bari gukurikirana mu rugo urwaye covid-19, nawe gitifu yabwiye HANGA ko ari hafi gukira.


Uyu murenge wa Mageragere uhagaze neza mu ngamba zo guhangana na covid-19, ubu bukangurambaga bari gukora muburyo bw'amashanwa babukora neza bizeye kuzesa imihigo 100%, banegukane ibihembo cy'imodoka yatanzwe na polisi y'u Rwanda kubufatanye n'umujyi wa kigali na minisiteri y'ubutegetsi bw'igihugu.