Ahabanza Soma

Nyarugenge: Abikorera ( PSF) bahaye Moto eshatu umurenge wa Kimisagara zizakora mu bikorwa byo kwirinda covid-19

User Image GATETE  MUHAMOUD 2 Shared publicly - Last 11 Day(s) ago

Abikorera mu murenge wa Kimisagara (PSF) , batanze Moto eshatu zizifashishwa n'ubuyobozi mu bukangurambaga bwo kwirinda covid-19.

Nyarugenge: Abikorera ( PSF)  bahaye  Moto eshatu umurenge wa Kimisagara zizakora mu bikorwa byo kwirinda covid-19

N'igikorwa cyabereye muri Gare ya Nyabugogo, uyu wa 12/10/2021, kitabiriwe n'inzego z'umutekano ( Polisi), inzego z'ibanze, n'abaturage bigajyemo abacuruzi.

Iragena Eric, n'umucuruzi uhagarariye abandi mu murenge wa Kimisagara (PSF), yavuze ko nk'abacuruzi babonye uburyo icyorezo cya covid-19 kizamuka bikabagiraho ingaruka zirimo gufunga bimwe mu bicuruzwa byabo , babona nta yandi mahitamo bakora atari gufatanya n'ubuyobozi gushya iki cyorezo, ati:''Tumaze kubona ko ubuyobozi bwacu buri mu bukangurambaga bwo kwirinda covid-19, twaricaye nk'abacuruzi tureba icyo twakora tubona ko moto bitewe n'imiterere y'umurenge wacu yaba nk'igikoresho gishobora kugera hose, tuba ariyo twifashisha tuyishyiraho mega phono, ubu turaziha buri kagari barebe umumotari uzayikoresha azenguruke hose''.

Kalisa Jean Soever, umunyamabanga Nshingwabikorwa w'umurenge wa Kimisagara, yashimye abikorera kuko bizirikanye ubukana bw'iki cyorezo bakaba bifatanije n'ubuyobozi, ati:''Iki n'igikorwa gishimishije cyane, abacuruzi ubwabo nibo bishyize hamwe bagura izi moto zifite agaciro gasanga miliyoni esheshatu z'amafaranga y'u Rwanda ,zigiye kudufasha kwagura ubukangurambaga turimo bwo kwirinda covid-19''.

Gitifu yakomeje avuga ko bashyize hamwe kurwanya covid-19 yatsindwa, ati:''Ubu Kimisagara nta murwayi dufite dukurikirana urwaye covid-19,mu ngo, n'ikimenyetso ko dukomeje uku covid-19 yaba amateka ubuzima bukagaruka uko byahoze''.

Kimisagara n'umurenge umwe mu mirenge igize akarere ka Nyarugenge , bahagaze neza mu ngamba zo guhangana na covid-19, bizeye ko amarushwana yateguwe n'umujyi wa Kigali, kubufatanye na minisiteri y'ubutegetsi bw'igihugu na polisi y'u Rwanda, bazegukana ibihembo cyane imodoka.