Ahabanza Soma

Imodoka n'ibikombe byose bizataha Bumbogo- Gitifu Deo asinya imihigo y'ubukangurambaga bwo kwirinda covid-19

User Image GATETE  MUHAMOUD 2 Shared publicly - Last 2 Day(s) ago

Umurenge wa Bumbogo, mu karere ka Gasabo, umujyi wa Kigali , watangije ubukangurambaga bwo kwirinda Covid-19, Gitifu Rugabirwa Deo yahize kwesa imihigo 100% akegukana ibihembo byose biteganyijwe muri iyi mihigo.

Imodoka n'ibikombe byose bizataha Bumbogo- Gitifu Deo asinya imihigo y'ubukangurambaga bwo kwirinda covid-19

N'ubukangurambaga bwo kwirinda covid-19, bwateguwe na Minisiteri y'utegetsi bw'igihugu, Polisi y'u Rwanda n'umujyi wa Kigali buzamara ukwezi.

Bumbogo yatangije ku mugaragaro ubu ubukangurambaga uyu wa 13/9/2021, umuhango w'itabiriwe n'abayobozi batandukanye barimo, Ingabo, Polisi, Dasso , n'inzindi nzego z'umutekano zitandukanye.

Gitifu Deo uyobora umurenge wa Bumbogo ,yabwiye itangazamakuru ko imihigo yo kwirinda covid-19 ishingiye mu guhanga udushya, ati:''Bumbogo n'icyaro muraje muyibone mu isura nshya ,ubu twarenze urwego rw'isibo turi mu ngo, buri rugo rugomba gushaka udushya kujyanye no kwirinda covid-19, nta kwirara covid-19 irahari kandi irica''.

Yakomeje avuga ko umurenge wa Bumbogo ufatanyije n'abandi bafatanyabikorwa barimo, Abamotari, abacuruzi bazafatanya gukora ubu bukangurambaga bibanda mu gukora udushya.

Bamwe muri ba mudugudu  basinye imihigo babwiye HANGA ko bahagaze neza mu ngamba nta kujenjeka, ati:''Covid-19 turayizi kandi tuzi ko ihari nta kujenjeka kuko twiraye yagarukana ubukana tugasunira muri guma mu rugo kandi muzi uburyo iryana''.

Insanganyamatsiko, y'iyi mihigo igira ,ati:"Ubudasa mu guhangana na Covid-19''.