Home Read Content

Covid-19: Abavuye muri Tanzania na DR Congo ntibemerewe kwinjira mu bwongereza

User Image Tuyikuze  Hodali 2 Shared publicly - Last 1 Month(s) ago

Ubwongereza bwatangaje ingingo ibuza abagenzi bose bavuye muri Tanzania na DR Congo kwinjira muri iki gihugu, mu rwego rwo kwirinda Covid-19.

Covid-19: Abavuye muri Tanzania na DR Congo ntibemerewe kwinjira mu bwongereza

Kuri Twitter, minisitiri w'ubwikorezi mu Bwongereza Grant Shapps yavuze ko iyi ngingo igamije kwirinda ikwirakwira ry'ubwoko bushya bw'iyi virus bwo muri South Africa.

Yanditse Ati: "Abagenzi bose bavuye muri ibyo bihugu, uretse Abongereza n'abandi bafite uburenganzira bwo kuhatura, ntabwo bazemererwa kwinjira".

Mu ntangiriro z'uku kwezi, abagenzi 11 bavuye mu bihugu byo muri Africa y'amajyepfo bangiwe kwinjira mu Bwongereza kubera impamvu nk'izi.

Mu gihe muri DR Congo hamaze gutangazwa abantu barenga gato 20,000 banduye coronavirus, uko ibintu byifashe muri Tanzania ntibizwi kuko leta nta mibare itangaza.

Mu kwa gatandatu umwaka ushize, Perezida John Magufuli yatangaje ko "nta coronavirus iri muri Tanzania" kubera amasengesho y'abaturage.

Gusa, ishami ry'umuryango w'abibumbye rishinzwe ubuzima ku isi ryagiye ritangaza impungenge ritewe n'imigirire ya leta ya Tanzania kuri iki cyorezo.

Abategetsi muri Tanzania na DR Congo ntacyo baratangaza kuri iki cyemezo cy'Ubwongereza

0