Home Read Content

Uganda: Bobi Wine yatangaje ko agiye kuyobora igihugu yatsinze amatora abasirikare bagose urugo rwe

User Image GATETE  MUHAMOUD 2 Shared publicly - Last 2 Month(s) ago

Bobi Wine yamaganye ibyavuye mu matora by’ibanze, avuga ko ari watsinze agiye kuyobora igihugu cya Uganda.

Uganda: Bobi Wine yatangaje ko agiye kuyobora igihugu yatsinze amatora abasirikare bagose urugo rwe

Bobi  Wine ubwo yari amaze gutora ejo kuwa kane i Magere hanze gato ya Kampala


Robert Kyagulanyi, umukandida utavuga rumwe n'ubutegetsi yamaganye ibyavuye mu matora by'agateganyo, anavuga ko ari we watsinze, n'ubwo komisiyo y'amatora ivuga ko amajwi yose atarabarwa.


Uyu mukandida uzwi cyane nka Bobi Wine, yavuze ko amatora yo kuwa kane ariyo ''yaranzwe n'ubujura bukabije mu mateka ya Uganda", gusa nta kimenyetso na kimwe yatanze cyerekana ibyo yavuze.


Yavuze ko urugamba ubu rutangiye.


Kyagulanyi usanzwe ari umudepite mu nteko ya Uganda, yavuze ko mu masaha ari imbere agirana ikiganiro n'abanyamakuru ku biza gukurikiraho.


Amajwi y'agateganyo yatangajwe uyu munsi na komisiyo y'amatora, yerekana ko Perezida Yoweri Museveni ari we uri imbere afite hafi 2/3 by'amajwi yari amaze kubarwa.


BBC ivuga ko abasirikare bamaze kugota urugo rwa Bobi Wine ruri hanze gato y'umurwa mukuru Kampala. Bobi Wine avuga ko bamurinze kuko akomeye.

0