Home Read Content

Gasabo-Kinyinya:Hari bamwe mu baturage batagikozwa ibyo kwirinda Covid-19

User Image GATETE  MUHAMOUD 2 Shared publicly - Last 17 Day(s) ago

Mu murenge wa Kinyinya, akarere ka Gasabo, umujyi wa Kigali, hari bamwe mu baturage batagikozwa ibyo kwirinda Covid-19, bakora ibihabanye n'amabwiriza yashyizweho n'ubuyobozi yo kuyirinda .

Gasabo-Kinyinya:Hari bamwe mu baturage batagikozwa ibyo kwirinda Covid-19

Mu kibaya cyaho bita Kwa Rugamba, umudugudu wa Kadobogo, akagari Kagugu,umurenge wa Kinyinya, hanga.rw uyu wa 8/10/2020 yasanze hari urubyiruko ruri kwigisha abantu gutwara moto, abaganiriye n'umunyamakuru ababajije ko bari gukora ibihabanye n'amabwiriza yo kwirinda Covid-19 bavuze ko Bitabareba, ati:''Ibyo bya Covid-19 ntabwo bitureba, covid-19 ireba abakire bafite imodoka, wari wumva umuntu warwaye covid-19 ayikuye kuri moto ". 

Iyi myumvire iri hasi kubijyanye na covid-19 y'uru rubyiruko, byatumye hanga.rw yegera ubuyobozi bufite ishingano zo kugenzura iyubahirizwa ry'amabwiriza yashyizweho mu kurwanya covid-19 ntibyakunda ko tubabona, iminsi ibiri irihiritse Alfred Nduwayezu uyobora uyu murenge wa Kinyanya ataboneka mu Biro.

N'ubutumwa twamwohereje kuri what's App yarabibonye ariko ntabwo yadusibije kandi byerekana ko yabusomye. 

Twari tugamije kumenya ingamba bafitiye Iki kibazo. 

Iyo ugeze muri iki kibaya usanga hari urujya n'uruza rw'urubyiruko na moto nyinshi zo mubwoko bwa Yamaha ajesa bigiraho gutwara. Nubwo bikorwa bihabanye n'amabwiriza yo kurwanya covid-19, ntagikozwe hashobora guha icyuho covid-19 dore umwe ava kuri moto ayiha undi kandi batanambaye udupfukamunwa. 

Kugeza ubu abantu icyorezo cya COVID-19 kimaze guhitana mu Rwanda ni 30.  Cyageze mu Rwanda taliki 14, Werurwe, 2020 kizanywe n’umugabo wari uturutse mu Buhinde.

Ibi byerekana ko kigihari kandi kigifite ubushobozi bwo kwica.


Ingamba Guverinoma yafashe harimo ko Abanyarwanda bose bagomba kwambara udupfukamunwa neza, bakirinda gusuhuzanya baherezanya ibiganza, bakabikaraba kenshi kandi neza, aho bahuriye ari benshi bakibuka guhana intera kandi bose bakaba bageze mu ngo zabo bitarenze 10h00PM.