Home Read Content

Nyaruguru: Abitwaje intwaro bagabye igitero ku Ngabo z’u Rwanda zicamo bane

User Image GATETE  MUHAMOUD 2 Shared publicly - Last 9 Day(s) ago

Mu rukerera rwo kuri uyu wa Gatandatu, abitwaje intwaro bataramenyekana gusa baturutse mu gihugu cy’u Burundi bagabye igitero ku birindiro by’ingabo z’u Rwanda biherereye mu Murenge wa Ruheru, mu Karere ka Nyaruguru. Zicamo bane

Nyaruguru: Abitwaje intwaro  bagabye igitero ku Ngabo z’u Rwanda zicamo bane

gitero cyabaye ahagana saa munani z’urukerera rwo kuri uyu wa Gatandatu tariki 27 Kamena 2020, aho cyaguyemo abasirikare bane baturutse I Burundi mu gihe abandi batatu bo ku ruhande rw’u Rwanda bakomeretse,

Bivugwa ko abagabye iki gitero bari bafite umugambi mubisha wo kwangiza abaturage bo mu Mudugudu w’Ikitegererezo wa Yanze, urinzwe n’abasirikare ba RDF.

Uyu mudugudu uherereye mu kilometero kimwe gusa uvuye ku mupaka w’u Rwanda n’u Burundi, uherereye muri aka Karere ka Nyaruguru.

Umuvugizi w’igisirikare cy’u Rwanda , Lt Col Innocent Munyengango, yavuze ko RDF yatangiye gukora iperereza ngo hamenye abagabye iki gitero.

Yagize ati “Abagabo bitwaje intwaro bateye baturutse I Burundi ninaho bahungiye basubirayo mu cyerekezo kimwe n’icyo baturutsemo basiga abantu babo bane bapfuye ndetse n’ibindi bikoresho bya gisirikare birimo intwaro n’ibyombo.”

Lt Col Munyengango yavuze kandi ko abasirikare batatu b’u Rwanda bakomerekeye muri iyi mirwano, ashimangira ko abihishe inyuma y’iki gitero bagomba kubiryozwa.

Aba bitwaje intwaro bateye baturutse mu Burundi ahari ibirindiro by’igisirikare k’iki gihugu ahitwa Gihisi, muri Komine Bukinanyana mu Ntara ya Cibitoke.

Itangazo dukesha:RDF

0