Home Read Content

Novak Djokovic, numero ya mbere muri Tennis ku isi bamusanzemo Covid-19

User Image GATETE  MUHAMOUD 2 Shared publicly - Last 12 Day(s) ago

Novak Djokovic umukinnyi uza ku mwanya wa mbere mu bakina Tennis ku isi yabaye undi mukinnyi w'uyu mukino basanzemo coronavirus.

Novak Djokovic, numero ya mbere muri Tennis ku isi bamusanzemo Covid-19

Ni nyuma y'uko abandi bakinnyi Grigor Dimitrov, Borna Coric na Viktor Troicki nabo bakina Tennis bemeje ko babasanzemo iki cyorezo.

Djokovic w'imyaka 33, aheruka gukina na mugenzi we Viktor Troicki nawe ukomoka muri Serbia, mu mikino yabereye i Belgrade.

Ku rubuga rwa Novak Djokovic hashyizwe itangazo rivuga ko "nta bimenyetso by'iyi ndwara afite".

Bikekwa ko Djokovic yanduriye mu mikino ya Tennis na Basketball yari imaze iminsi ibera i Belgrade.

Amashusho yo kuri iyi mikino yo kuwa gatanu ushize yerekana abakinnyi - barimo na Djokovic - bakina kandi na Basketball.

Bamwe muri aba bakinnyi ubu batangaje ko bagiye kujya mu kato iminsi 14, nubwo harimo abo bapimye bagasanga badafite Covid-19.

Amarushanwa ya Tennis ku rwego rw'isi biteganyijwe ko atangira tariki 14 z'ukwezi kwa munani.

Irushanwa rya US Open rizatangira tariki 31 z'ukwezi kwa cyenda ariko nta bafana bari ku bibuga, gusa hari abakinnyi bagaragaje impungenge zo kujya i New York.