Home Read Content

Gasabo-Nduba:Kuva 2008 abatuye Gasanze barashinja Wassac kwanga kubasaranganya amazi ubu ijerekani igura 500Rwf

User Image GATETE  MUHAMOUD 2 Shared publicly - Last 4 Month(s) ago

Abaturage batuye mu kagari ka Gasanze, umurenge wa Nduba, akarere ka Gasabo, umujyi wa Kigali, barimo gutaka ibihombo n'umwanda baterwa nuko ikigo gishinzwe gukwirakwiza amazi (Wassac) ,kuva 2008 kugeza ubu 2020 ntacyo yakoze ngo isaranganye amazi mu ngo zabo.

Gasabo-Nduba:Kuva 2008 abatuye Gasanze barashinja Wassac kwanga kubasaranganya amazi ubu ijerekani igura 500Rwf

Abaganiriye na hanga.rw kuri uyu wa 28/5/2020,bavuze ko kuva 2008 bavoma amazi y'igishanga, ibi ngo byabagizeho ingarukambi zo guhorana umwanda ndetse n'indwara ziterwa nuko banywa amazi mabi, Baranumvikanisha ko byabateje n'ubukene koko n'amazi babona avomwe mu gishanga hari aho ijerikani igurwa amafaranga 300 y'u Rwanda. 

Ntibagwire Jeanne, gitifu w'umurenge wa Nduba yabwiye hanga.rw ko Iki kibazo kizwi kuva ku karere kugeza ku mujyi wa Kigali, ati:''Iki kibazo cy'ibura ry'amazi kirazwi, hakenewe ubuvugizi kuko kuva 2008 ino hari ingo mbarwa ninazo zifite amazi ,Gasanze yaragutse cyane ingo nyinshi nta mazi zifite, natwe biraduhangayikishije,gusa birazwi turakomeza twongere ubuvugizi mu igihe kiri imbere biracyemuka''. Hanga.rw ishuro zose twagerageje kuvugisha Aime Muzola uyobora wassac ntiyigeze yitaba.

Aba baturage barimo gusaba Leta ko bafashwa, amazi agaragara mu ngo zimwe yarasanganwa nabo akabageraho cyangwa hakubakwa robine zigurisha amazi za wassac  ijerika igura 20rwf kuko abafite amazi mu ngo babagurisha kugiciro gihanitse, hari abakwa 300rwf, 200rwf  ngo hari bakakwa 500rwf ku injerikani imwe.