Home Read Content

Rusizi: Abadepite batunguwe n'uburyo mu ruganda rutunganya Nyiramugengeri hahembwa abakozi birirwa bicaye

User Image GATETE  MUHAMOUD 2 Shared publicly - Last 5 Month(s) ago

Umuyobozi w’ikigo REG mu ntara y’uburengerazuba Paul Muhire,yabwiye abadepite bagiriraga uruzinduko ku ruganda rutanganya nyiramugengeri mu Karere ka Rusizi ko hari abakozi bahembwa bicaye kuko ngo nabyo ari akazi.

Rusizi: Abadepite batunguwe n'uburyo mu ruganda rutunganya Nyiramugengeri hahembwa abakozi birirwa bicaye

Itsinda ry’abadepite riheruka mu ruzinduko rwari rugamije gusura bimwe mu bikorwa by’ibanze bigenewe guteza imbere abaturage,ryanenze byimazeyo uburyo abakozi bakora ku ruganda rutunganya Nyiramugengeri ruherereye mu murenge wa Nzahaha ruzwi nka Gishoma Peat Plant abakozi barukoramo bose bamara igihe baza ku kazi bakirirwa bicaye nyamara ukwezi kwashira bagahembwa.


Uwitwa Muhire yabwiye abadepite ko abo bakozi bahembwa kuko ngo " N’ubwo bo babona ko abo bakozi baba bicaye batari gukora ngo bo nk’abakoresha babo uko kwicara kuri bo ngo baba bari gukora."

TV 1 itangaza ko Umuyobozi w’Akarere ka Rusizi, Kayumba Ephrem yatunguwe kuko ngo yari azi ko aba bakozi bahagarika akazi mu gihe cy’imvura. Ni ingingo yumvikansiha ko ubwo bivuze ko nabo badahembwa muri ibyo bihe.

Ati Ubusanzwe uru ruganda rukora mu gihe cy’izuba naho mu gihe cy’imvura rugahagarika imirimo bityo n’abakozi nari nzi ko icyo gihe badahembwa."

Perezida wungirije w’umutwe w’abadepite Edda Mukabagwiza atangaza ko ibyo babonye kuri uru ruganda atari ibyo kwihanganira ahubwo ko bagiye kubicukumbura maze abahembwa badakora, ababigizemo uruhare bakabiryoza.

Ni kenshi abadepite bakunze kugaragariza Leta ko uyu mushinga w’uru ruganda rwa Gishoma rutunganya Nyiramugengeri rukayibyazamo amashanyarazi wahombye kuko utageze ku ntego zari zitezwe. Ubu hiyongereyeho n’icyo kuba abarukoramo birirwa bicaye ukwezi kwashira bagahembwa.

0