Home Read Content

Menya ibibi byo kunywa isukari nyinshi

User Image Hodali   Tuyikuze Shared publicly - Last 19 Day(s) ago

Imibare yerekana uko amagara y'abantu yifashe mu bihugu bigera ku 195, werekana ko Israel ari cyo gihugu kiza imbere kw'isi mu bihugu bidafite ikibazo cy'impfu ziturutse ku ndwara zitegwa n'ibiribwa. Ibyo byakurikiwe n'inkuru zandikwa mu binyamakuru zishishikariza abantu "kurya nk'abanya Israel"

Menya ibibi byo kunywa isukari nyinshi

Muri 2018, muri Israel hakoreshejwe  kg 60 z'isukari ku muntu, n'ukuvuga amagarama 165 ku munsi.

Urwo ni rugero ruri hejuru kurusha ahandi hose kw'isi, ufatiye ku mibare  BBC yabonye, bitangwa n'ikigo gikurikirana ikoreshwa ry'isukari ISO -International Sugar Organisation

Professor Itamar Raz, umukuru w'ikigo cya Israel gishinzwe  kurwanya diabete akaba n'umuhanga mu kuvura diabetes ku rwego mpuzamahanga, agira ati "Muri Israel, urugero rw'isukari umuntu ukuze afata ku munsi, usanga rugeze ku tuyiko 30, ibi ni agahomeramunwa''.

Ibindi bihugu biza imbere mu gukoresha isukari nyinshi birimwo Malaysia, Barabados , Fiji na Brezil.

Abaza inyuma ya bose mu gukoresha isukari nkeya ni abanya Korea ya ruguru, aho batarengeje kg 3.5 ku muntu mu 2018.

Aho ni mu gihe abaturanyi babo bo muri Korea y'epfo, ibarura  ryabo muri uwo mwaka ryerekana ko bageze ku kg 30.6 ku muntu.

Leta zunze Ubumwe za Amerika, aho usanga haboneka imibare  ikwiye ku ndwara zifatira ku byo abantu barya , bigaragara ko bakoresheje kg 31.1 ku muntu, ariko ntibari no mu bihugu 20 bya mbere bikoresha isukari nyinshi.

Umuntu agiye kureba uko ibintu bimeze, asanga Ubuhinde aricyo gihugu kiza ubwa mbere mu gukoresha isukari nyinshi, aho habaruwe toni miriyoni 25.39 muri 2018 - isumba isukari ikoreshwa hose mu bihugu byose bigize Ubumwe bw'ubulaya.

Abenshi mu bahanga kuby 'ubuzima bw'abantu bavuga ko urugero runini rw'isukari arirwo kibazo gikuru mu bitera umubyibuho  ukabije  wabaye nk'icyorezo mw'is ndetse na diabete indwara ikomeye kandi ihangayikishije kw'isi.

OMS iravuga kandi ko kugabanyako ibindi bice 5% , n'ukuvuga gm 25 (utuyiko 6) ku munsi "bishobora kuzana inyungu ku magara y'abantu".

Umutegetsi mu buyobozi bw'ikigo British Heart Foundation, Victoria Taylor, avuga ko 'bigaragara ko abahanga mu magara y'abantu bagira inama  abantu kugabanya isukari'.

Avuga ko "Uko ibintu bihagaze kino gihe, bigaragara ko isukari inyobwa  ku rugero rurenze haba mu bana ndetse n'abakuze, kandi no ku ngero zose z'abantu mu bijanye n'ubutunzi."

Niyonsenga Simon Pierre umukozi w’ikigo cy’igihugu gishinzwe ubuzima RBC uyobora ishami ryita ku buvuzi no kwirinda indwara ya diabete, avuga ko umuntu umwe muri 30 mu Rwanda, aba arwaye diabete, bivuze ko abantu barenga 3% mu Rwanda barwaye iyi ndwara, by’umwihariko umuntu umwe kuri babiri ku rwego rw’isi akaba ayigendana atabizi.

ibi bivuzeko ukurikije iyi mibare itangwa na RBC ku bantu badwaye diabete mu Rwanda kandi iterwa no kunywa isukari nyinshi no kurya ibiribwa birimo isukari nyinshi ari ibyo kwitonderwa mu gihe ugaburira umuryamgo wawe .