Bugesera: Umurenge wa Rilima biyemeje gutora abakandida depite ba FPR Inkotanyi 100%

Umurenge wa Rilima wo mu karere ka Bugesera , bamamaje abakandida depite b'umuryango wa FPR Intotanyi, bamwe mu baturage babwiye itangazamakuru ko bazatora FPR 100% bashingiye ku iterambere FPR yabagejejeho.

Kuri uyu wa Gatandatu tariki ya 25/8/2018 nyuma y'igikorwa cy'umuganda ngaruka kwezi, umurenge wa Rilima wo mu karere ka Bugesera wamamaje abakandida depite b'umuryango wa FPR Inkotanyi , aho ubwitabire bw'abaturage bwari 99%.

Bamwe mu baturage bitabiriye iki gikorwa baganiriye n'ikinyamakuru HANGA batangaje ko baje gushyigikira umuryango wa FPR inkotanyi kubera ko hari byinshi wabagejejeho kandi babona hari byishi ibahishiye mu gihe kizaza.

Uwimariya Solange utuye Rilima yagize ati:''Naje hano gushyigikira abakandida ba FPR nishimira iterambere uyu muryango wangejejeho, kuva navuka nabaye munzu irimo amashanyarazi ubu, abana banjye bigira ubuntu mu mashuri abanza, bampaye inka muri gahunda ya gira inka,mpereye kuri ibi bangejejeho ndahamya ko nibyo babwira bazabikora niyo mpamvu naje kubashyigikira''.

Mugenzi we, Ndiyokubwayo Alexis we avuga ko yaje kwifatanya n'abandi kugirango basigasire amahoro n'umutekano batigeze babona kuva kera ,ubu bafite kandi babikesha FPR, ati;''Twazindukiye kwamamaza Abakandida depite ba FPR inkotanyi , ni nako kandi tuzazinduka tujya kubatora kumunsi w'itora mbese twiyemeje kuzabatora 100%''. Yakomeje avuga ko umunsi w'itora umutindiye  ameze nk'umusore ufite ubukwe aba ari kwitegura neza ashaka ibizamufasha nawe yatubwiye ko ibizamufasha nuko azaba yujuje ibisabwa kugirango yemererwe kwitorera abazakomeza gusigasira umutekano.

Igikorwa cyo kwamamaza abakandida depite ba RPF inkotanyi muri Rilima cyitabiriwe n'abanyamuryango ba FPR kurwego rw'umurenge n'akarere, inzego z'ibanze zirimo n'umuyobozi w'umurenge wa Rilima ndetse n'abaturage wabonaga ko bari babukereye kubwinshi. Igikorwa cyasoje bacinya akadiho ubona ko bishimiye ibikorwa by'umuryango wa FPR.

Abaturage bari babukereye kwamamaza abakandida depite ba FPR intotanyi.

Ibyishimo byari byose ubona ko bishimira ibyiza FPR yabagejejeho.

Bacinye akadiho karahava bashimangira ko umutekano ari wese.

Ubwitabire bwari ku kigero gishimishije.

Yanditswe na: Kayisire Vincent

info1hanga@gmail.com

hanga.rw

0

0 comment(s) Tanga igitekerezo

Note : Sorry No comment available now...

Tanga Igitekerezo

Author
GATETE
Admin

GATETE MUHAMOUD 2

You May Also Like