Uganda: Abaturage babiri barashwe n’abashinzwe kurinda ibarizo riherereye mu gace ka Njeru

Abaturage babiri barashwe n’abashinzwe kurinda ibarizo riherereye mu gace ka Njeru, muri Buikwe district, bahita bapfa, bashinjwa kwiba imbaho.

Abishwe ni Kiwanuka Kakeeto w’imyaka 48 y’amavuko na Muzamiru Kambugu wari ufite imyaka 45.
Amakuru agera kuri Dailymonitor, avuga ko ubwo abari bashinzwe kurinda iri barizo bafatwaga bashinjwa kurasa bakica aba bagabo babiri, bireguye bavuga ko babarashe ubwo bibaga imbaho, ku rundi ruhande abatangabuhamya bakemeza ko batazibaga ahubwo bari hafi y’iryo barizo.

Abashinjwa kuraba aba baturage bari mu maboko y’ubugenzacyaha mu gihe abishwe bo imirambo yabo yajyanwe mu buruhukiro by’ibitaro bya Jinja.
Umuyobozi muri aka gace ubu bwicanyi bwabereyemo, Mubarak Batte, yatangaje ko bibabaje mu gihe bivugwa ko barashwe bacyekwaho kwiba imbaho.
Abandi baturage bakaba banenga uburyo abashinzwe kurinda ibarizo barashe aba baturage mu gihe ngo batanageragezaga gucika.
Umuyobozi wungirije muri Buikwe District, aranenga ubu bwicanyi, akavuga ko abarashe aba baturage ubu batawe muri yombi, by’umwihariko ko bagiye kugirana ibiganiro za kompani zitari iza Leta zishinzwe kurinda umutekano, kuzajya zigira izo zigenderaho mbere yo kwinjiza umukozi mu kazi.

Yanditswe na :TUYIKUZE Hodali

info1hanga@gmail.com

hanga.rw

0

0 comment(s) Tanga igitekerezo

Note : Sorry No comment available now...

Tanga Igitekerezo

Author
GATETE
Admin

GATETE MUHAMOUD 2

You May Also Like