Guverinoma ya Congo irashyize itangaza igihe amatora y’Umukuru w’igihugu azabera

Amatora y’umukuru w’igihugu wo gusimbura Joseph Kabila muri Repubulika Iharanira Demokarasi ya Congo byamaze kwemezwa ko azaba mu kwezi k’Ukuboza tariki ya 23 uyu mwaka wa 2018. Nkuko minisitiri w’intebe Bruno Tshibala yabitangarije Reuters dukesha iyi nkuru.

Uyu mu minisitiri yagize ati: "Nahuye n’abahagarariye igihugu cyacu mu kwezi kwa Gicurasi 2017, mbabwira ko intego yanjye ari ugutegura amatora muri uyu mwaka. Ubu ndemeza ko mu kwezi kwa 12 uyu mwaka, abaturage ba Congo bazatora."

Amatora y’umukuru w’igihugu muri Congo yagiye asubikwa inshuro nyinshi, aho byanatumye haba imyigaragambyo mu bice bitandukanye by’igihugu.Ikaba yaraguyemo abantu benshi abandi bagakomereka.

Nkuko itegeko nshinga rya Congo ribiteganya Prezida Joseph Kabila yagombaga kuva ku butegetsi muri 2016, gusa ntabwo byaje gushoboka kuko yanze kuburekura kugeza ubu. Abatavuga rumwe n’ubutegetsi bakaba bamushinja gukereza amatora ku bushake. Nyamara we arabihakana akavuga ko byatewe nuko ingengo y’imari itari ihagije ndetse n’ikibazo cyo kubarura abagomba gutora.

Joseph Kabila akaba ari Perezida wa Repubulika Iharanira Demokarasi ya Congo kuva 2001 ubwo yasimburaga se warumaze kwicwa. Abakurikiranira hafi ibya politiki yo muri Congo bakaba bibaza niba aya matora azaba kuko ubukungu butifashe neza. Gusa minisitiri w’intebe yavuze ko bishobotse bazitabaza n’inkunga z’amahanga ariko amatora akorwe.

Prezida Joseph Kabila.

gatetemuhamos@gmail.com

hanga.rw

0

0 comment(s) Tanga igitekerezo

Note : Sorry No comment available now...

Tanga Igitekerezo

Author
GATETE
Admin

GATETE MUHAMOUD 2

You May Also Like